Keniyada mübahisəli vergi artımına qarşı etiraz aksiyaları keçirilir.
APA AFP-yə istinadən xəbər verir ki, keniyalı etirazçılar parlament binası ətrafındakı barrikadaları aşaraq geniş qəzəb doğuran mübahisəli vergi artımı təkliflərinin müzakirə olunduğu kompleksə daxil olublar.
AFP polisin etirazçılara atəş açdığını yazır.
"Sky News"un xəbərinə görə isə paytaxt Nayrobidə parlament binasının içərisində yanğın qeydə alınıb.
"Deputatların yeni vergilərin tətbiqini nəzərdə tutan qanun layihəsini qəbul etdikləri binaya basqın etmək üçün polis barrikadasını aşarkən polis qüvvələri onlara atəş atıb. 10 etirazçının öldürüldüyü bildirilir", - "Reuters" məlumat yayıb.
