
"Xaricdəki alimlərimizin fəaliyyətinin Azərbaycanda daha diqqətlə izlənməsinə ehtiyac var" - Fazil Mustafa
22:09 09.09.2024
Gündəm
753
Prezident məsələyə diqqət yönəltdi
Prezident İlham Əliyev xaricdə yaşayan azərbaycanlı alimlərin Bakıda keçirilən Forumunun iştirakçılarına müraciət ünvanlayıb. Dövlət başçısı vurğulayıb ki, xaricdə yaşayan həmvətənlərimizin sıralarında elm xadimlərinin geniş yer tutması Azərbaycan diasporunun inkişafına böyük imkanlar yaradır. Prezident bildirib ki, diasporumuzun fəaliyyətinin sistemliliyinin təmin edilməsi məqsədilə elm sahəsində çalışan soydaşlarımızla daha sıx münasibətlər qurulması, milli maraqlarımıza xidmət göstərən müxtəlif proqram və layihələrdə onların yaxından iştirakının dəstəklənməsi istiqamətində ötən müddət ərzində təqdirəlayiq işlər görülüb. Bununla yanaşı, məktubda qeyd olunub ki, dünyanın müxtəlif ölkələrində məskunlaşmış azərbaycanlı alimlərin şəbəkələşməsi, onların elm və təhsil ocaqlarımızla əlaqələrinin dərinləşməsi, qazanılan müştərək nailiyyətlərdən yararlanmaqla ölkəmizin qlobal hədəflərə sürətlə yaxınlaşması, habelə Azərbaycan elminin dünya elm məkanına inteqrasiyası da çox vacibdir. Dövlət başçısı Forumun bu məqsədə töhfə verəcəyinə ümid etdiyini deyib: "İnanıram ki, Forum Azərbaycanda elmin dayanıqlı və innovativ inkişafı naminə ətraflı fikir mübadiləsi və dolğun müzakirələr şəraitində keçəcək. İşğaldan azad edilmiş tarixi ərazilərimizin bərpası prosesinə alimlərimizin öz bilik və təcrübələri ilə töhfə verə bilmələri üçün faydalı əməkdaşlıq yollarını müəyyən edəcək".
Elm və təhsil naziri Emin Əmrullayev də xaricdə yaşayan azərbaycanlı alimlərin forumunda çıxışı zamanı mühüm məqama toxunub. Nazir deyib ki, cəmiyyətdə çox sayda kifayət qədər hay-küylü müzakirə var, amma bunun içərisində elmi məsələ çox azdır. E.Əmrullayevin sözlərinə görə, cəmiyyətdə aparılan müzakirələrdə elmi məsələlərə çox az toxunulur: "Hay-küydən elmə gedən yolda nümunələr istəyirik. Doğru elmlə məşğul olan alimlərin adını ancaq jurnallarda görürük. Hərdən həmin alimlərə sual verirəm ki, niyə sosial şəbəkələrdə aktiv deyilsiniz?! Bildirirdilər ki, vaxt yoxdur. Xaricdə yaşayan azərbaycanlı alimlərin Azərbaycanda olan dövrdə məktəblərə gedib şagirdlərlə söhbət etməsinin böyük faydası ola bilər. Qısamüddətli mühazirələrlə hesab edirəm ki, yaxşı nəticə əldə etmək olmaz. Elmi əməkdaşlıq da çox mühümdür. Gənc doktorantların 1 və ya 2 illik xaricdə yaşayan azərbaycanlı alimlərin çalışdıqları laboratoriyalarda tədqiqatlara cəlb olunmasında fayda var".
Millət vəkili Fazil Mustafa "Sherg.az"a deyib ki, xaricdə yaşayan alimlərimizin fəaliyyətinin Azərbaycanda daha diqqətlə izlənməsinə ehtiyac var. Deputatın sözlərinə görə, bunun üçün müvafiq qurumlar ciddi iş aparmalıdır:

"Ümumiyyətlə, alimə qiymət verə biləcək yanaşma, həssaslıq ortaya qoyulmalıdır. Çox təəssüf ki, bizdə bir çox hallarda bu məqam müşahidə olunmur. Prezident bu məsələyə də diqqət yönəldib. Çalışmalıyıq ki, elmlə, alimlərlə bağlı məqamlara daha həssas yanaşma sərgiləyək. Elm və Təhsil Nazirliyinin bu istiqamətdə fəaliyyəti artırılmalıdır. Onların şəbəkələşməsi, bir-biri ilə əlaqəsi, kordinasiyası olduqca vacibdir. Elm adamlarına xüsusi dəyər verilməlidir".
Oxşar xəbərlər
Xəbər lenti
Hamısına bax
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya
Aİ Rusiyaya qarşı 22-ci sanksiyalar paketini hazırladı
17:57 20.11.2026
Dünya
KİV: ABŞ və İsrail İrana hücumu nəzərdən keçirir
17:10 20.11.2026
Gündəm