Fransada yaşayan 44 yaşlı kişi ayağında yüngül ağrı və zəiflik hiss etdiyi üçün həkimə müraciət edib və bu zaman beyninin yarıdan çoxunun əskik olduğunu öyrənib.
Sherg.az xəbər verir ki, beynin yalnız 10 faizinin istifadə edildiyi mifi elm dünyası tərəfindən qəti şəkildə rədd edilir. Bununla belə, beyin haqqında hələ də çoxlu bilinməyənlər məsələlər var.
Belə hadisələrdən biri də Fransada baş verib. 44 yaşı olan anonim kişi təxminən iki həftə ayağında yüngül ağrı və zəiflik hiss etdikdən sonra əvvəlcə həkimə müraciət edib.
Beyin tomoqrafiyası zamanı məlum olub ki, kişinin beyninin yarısı yoxdur və onun kəllə sümüyündə nazik beyin toxuması və maye təbəqəsi var. Bu xəstəlik "Hidrosefali" adlanır. Koqnitiv psixoloq Aksel Kliremans qeyd edib ki, kişi normal həyat sürüb, ailəsi olub və işləyir. Şikayət etdiyi zaman alınan IQ testinin nəticəsi 84 olu, bu normal diapazondan bir qədər aşağıdır.
Həkimlər hesab edirlər ki, onun xəstəliyinə səbəb 30 il ərzində beynində yığılan maye olub və bu maye onun beyninin böyük hissəsinin məhv olmasına səbəb olub.
Digər tərəfdən xəstəlik körpə olanda aşkarlanıb və stent qoyulub. Lakin 14 yaşında ikən stent çıxarıldıqdan sonra beyninin çox hissəsi aşınmaya başlayıb. Keçmişdə şüurun beynin xüsusi sahələri ilə əlaqəli olduğu düşünülürdü, lakin bu cür həyat hekayələri şüurun yalnız xüsusi bir bölgə tərəfindən idarə olunmadığını iddia edən yeni nəzəriyyələrin ortaya çıxmasına səbəb oldu.
