ABŞ hökuməti ABŞ vətəndaşlığı üçün müraciət edən əcnəbilərin Birləşmiş Ştatlarda hökumətin tarixi və prinsipləri haqqında biliklərini təmin etmək üçün test imtahanını bərpa edir.
APA xəbər verir ki, bu haqda Daxili Təhlükəsizlik Nazirliyinin yaydığı bildirişdə deyilir.
"ABŞ Daxili Təhlükəsizlik Nazirliyi Vətəndaşlıq və İmmiqrasiya Xidmətləri 2020-ci ilin vətəndaşlıq imtahanını bərpa edir. Belə ki, əcnəbilərin ABŞ tarixinin əsasları və hökumətin prinsip və forması haqqında bilik və anlayış nümayiş etdirmələri qanunvericilik tələbinə uyğundur", - bildirişdə qeyd olunur.
Bildirişdə həmçinin qeyd olunur ki, yeni tələblər oxuma, yazma, danışıq və anlama daxil olmaqla mövcud ingilis dili testlərini dəyişmir.
Sənəddə o da bildirilir ki, bu sınaq 2020-ci il dekabrın 1-dən 2021-ci il aprelin 30-dək qüvvədə olub. Daha sonra ABŞ administrasiyası əcnəbilər üçün imtahanları 2008-ci il versiyasına qaytarıb.
Qeyd edək ki, 2025-ci ildə tətbiq ediləcək yenilənmiş testdə əcnəbilərə 20 əlavə sual veriləcək, onlardan ən azı 12-nə düzgün cavab verməsi tələb olunacaq.
