Ermənistan Baş naziri Nikol Paşinyan ermənilərin katolikosu II Qaregini zorakılıq olmadan devirməyi planlaşdırır.
Teleqraf xəbər verir ki, bu barədə “İravunk” qəzeti məlumat yayıb.
“Hakim partiyanın kulis məlumatlarına görə, Vaqarşapat (Eçmiədzin) şəhərinin merliyinə “Vətəndaş Müqaviləsi”ndən namizəd Arqişti Mexakyana tapşırılıb ki, Eçmiədzin sakinlərinin katolikos əleyhinə zorakılıq olmadan aksiya təşkil edilməsinə necə reaksiya verəcəklərini öyrənsin.
Mexakyan cavab verib ki, reaksiya mənfi olacaq. Amma Paşinyan israr edib ki, yenə də maraqlansın, çünki onu öz fikri yox, məhz eçmiədzinlilərin rəyi maraqlandırır”.
Xatırladaq ki, bu gün erməni kilsəsinin 5 din xadimi saxlanılıb. Bundan əvvəl yepiskoplar Mikayel Ajapaxyan və Baqrat Qalstanyan hakimiyyəti devirməyə açıq çağırış ittihamı ilə həbs olunub. Yerli KİV-ə görə, kilsə ətrafında baş verənlər Nikol Paşinyanın II Qaregini devirməyə yönəlik hazırlığının tərkib hissəsidir.
