Gürcüstan Baş naziri İrakli Kobaxidze Astanada Qazaxıstan Prezidenti Kasım-Jomart Tokayevlə görüşüb.
Teleqraf xəbər verir ki, bu barədə Qazaxıstan liderinin mətbuat xidməti məlumat yayıb.
Səfər çərçivəsində Qazaxıstan və Gürcüstan strateji tərəfdaşlığa dair bəyanat imzalayacaq.
Gürcüstanın Baş naziri Qazaxıstana xarici işlər naziri Maka Boçorişvili, iqtisadiyyat və davamlı inkişaf naziri Mariam Kvrivişvili, ətraf mühit və kənd təsərrüfatı naziri Davit Sonqulaşvili və Baş nazir Administrasiyasının rəhbəri Levan Jorjolianidən ibarət nümayəndə heyəti ilə səfər edib.
