Avropa Komissiyası İlon Maska məxsus “X” şirkətini 120 milyon avro məbləğində cərimələyib.
APA “Politico”ya istinadən xəbər verir ki, Komissiya şirkəti şəffaflıq öhdəliklərini pozmaqda günahlandırıb və platformada mövcud olan təsdiqləyici nişanın aldadıcı olduğunu bildirib.
Avropa Komissiyası həm də “X”də reklam kitabxanasının kifayət qədər şəffaf olmadığını iddia edib və platformanın qanunla nəzərdə tutulan qaydada tədqiqatçıların ictimai dataya çıxışını təmin etmədiyi barədə ittiham irəli sürüb.
