Belarus Xarici İşlər nazirinin müavini İqor Sekreta Ukrayna ilə münasibətlərdə Minsk üçün əsas “qırmızı xətt”in ölkənin dövlət sərhədi olduğunu bəyan edib.
Onun sözlərinə görə, bu mövqe Belarus Prezidenti Aleksandr Lukaşenko tərəfindən dəfələrlə açıqlanıb və sərhədin pozulacağı təqdirdə Belarus bütün mövcud imkanları ilə cavab verəcək.
Sherg.az-ın məlumatına görə, Minsk gərginliyin artmasında maraqlı deyil və sülhpərvər siyasət tərəfdarıdır. Bununla yanaşı, Belarusun Rusiya ilə müttəfiq münasibətlərini davam etdirəcəyini vurğulayıb.
Daha əvvəl Lukaşenko da Ukraynanı mümkün eskalasiyanın nəticələri barədə xəbərdar etmişdi. Belarus rəhbərliyi ölkənin təhlükəsizliyinə təhdid yaranacağı halda qəti tədbirlər görəcəyini bəyan edir.
Bu arada, ABŞ ordusunun istefada olan zabiti David Pyne Ukraynanın Belarusa qarşı mümkün hərbi əməliyyatının Kiyev üçün ağır nəticələrə səbəb ola biləcəyini iddia edib.
