Fransız Dənizçilik Xidmətinin xilasediciləri La Manş boğazı ilə qanunsuz olaraq bir neçə qayıqla Britaniyaya keçərkən çətin duruma düşən 72 miqrantı xilas edib.
APA TASS-a istinadən xəbər verir ki, bu barədə Şimal dənizi Prefekturasının Xilasetmə Regional Əməliyyat Mərkəzinin yaydığı məlumatda bildirilib.
Xilasedicilər ilk gördükləri qayıqda 4 qadın və 4 azyaşlı olmaqla, 38 miqrantı aşkar ediblər.
Az sonra növbəti qayıqda 5 qadın və 7 uşaq daxil olmaqla, 34 miqranta köməklik göstərilib.
Miqrantlar sərhəd polisinə təhvil verilib.
