Əfqanıstan hökuməti Trampın Baqram aviabazasının ABŞ-yə verilməsi ilə bağlı çağırışını rədd edərək, bazanın ölkənin ayrılmaz hissəsi olduğunu və bu məsələnin müzakirə mövzusu olmadığını açıqlayıb.
APA xəbər verir ki, bu haqda “Əl Ərəbiyyə” televiziyasına Əfqanıstan müvəqqəti hökumətinin sözçüsü Zəbihullah Mücahid açıqlama verib.
ABŞ prezidenti Donald Trampın “Baqram aviabazasını geri qaytarmasalar, pis şeylər olacaq” təhdidinə reaksiya verən hökumət sözçüsü ABŞ ilə danışıqlarda yalnız məhbus mübadiləsi, diplomatik əlaqələr və iqtisadi investisiyaların müzakirə olunduğunu deyib.
