Fransa xarici işlər naziri Jan-İv Le Drian bu gün Almaniyaya səfər edəcək.
“Report” TASS-a istinadən xəbər verir ki, bu barədə Fransa Xarici İşlər Nazirliyi məlumat yayıb.
Jan-İv Le Drian Berlində almaniyalı həmkarı Annalena Beerbok ilə görüşəcək. Tərəflər Rusiyaya qarşı əlavə sanksiyaların tətbiqini müzakirə edəcəklər.
Nazirlər həmçinin aprelin 6-7-də keçiriləcək NATO xarici işlər nazirlərinin və aprelin 11-də baş tutacaq Avropa İttifaqı xarici işlər nazirlərinin iclasının gündəliyinə dair fikir mübadiləsi aparacaqlar.
