İndoneziyanın Nəqliyyat Nazirliyi iki pilotun uçuş zamanı yuxuya getməsi ilə bağlı yerli Batik Air aviaşirkəti ilə bağlı araşdırma aparır.
APA xəbər verir ki, bu barədə “Metro” məlumat yayıb.
Hadisə göyərtəsində 153 sərnişin və ekipaj üzvünün olduğu Cakartaya uçuş zamanı baş verib.
Təyyarə havaya qalxdıqdan bir neçə dəqiqə sonra pilotlardan biri həmkarına dincəlmək istədiyini deyib və tez yuxuya gedib Bir neçə dəqiqədən sonra təyyarə komandiri də yuxuya gedib.
Pilotlar yarım saat ərzində dispetçerlərlə radio əlaqə qurmayıb və təyyarə öz kursundan çıxıb. Onlardan biri yuxudan oyanaraq uçuş yolunu düzəltməyi bacarıb.
Hər iki pilot uçuşdan uzaqlaşdırılıb. İndoneziya Nəqliyyat Nazirliyi hadisənin səbəblərini araşdırır.
Qeyd edək ki, bundan əvvəl San-Fransiskoda havaya qalxan təyyarənin təkəri avtomobil dayanacağına düşüb.
