Kolumbiyada aprelin 28-dən 7 may tarixinədək keçirilən etiraz aksiyalarında iştirak edənlərdən 548 nəfəri itkin düşüb.
APA yerli “La FM” radiosuna istinad edərək xəbər verir ki, bu barədə ölkənin Ombudsman ofisinin məlumatında bildirilib.
Etiraz və iğtişaşlar zamanı ölənlərin sayının 26-ya çatdığı bildirilib.
Xatırladaq ki, Kolumbiyada aprelin 28-dən etibarən vergi islahatlarına qarşı nümayişlər davam edir. Etiraz aksiyaları paytaxt Boqota, Kali, Medellin və digər şəhərləri əhatə edib.
