İsrailin HƏMAS-ı yox etmək hədəfini dəstəklədiyinizi söyləyib, sonra da İsrail müvafiq addım atanda ona qarşı çıxa bilməzsiniz.
Axar.az xəbər verir ki, bu sözləri İsrail Baş naziri Benyamin Netanyahu Amerika lideri Co Baydenin tənqidlərinə cavabında deyib.
“HƏMAS-ın dinc sakinlərdən canlı qalxan kimi istifadə etməsinə qarşı çıxıb, sonra da onların strategiyası nəticəsində mülki itkilərlə bağlı İsraili ittiham edə bilməzsiniz”, - deyə Netanyahu Amerika-İsrail İctimaiyyətlə Əlaqələr Komitəsinin iclasında çıxışında deyib.
İsrail baş naziri bildirib ki, ölkəsi istənilən halda bu müharibədə qalib gələcək.
