Rusiya prezidenti Vladimir Putin ilə Özbəkistan Respublikasının Prezidenti Şavkat Mirziyoyev arasında telefon danışığı olub.
APA-nın Moskva müxbiri Kremlin mətbuat xidmətinə istinadən xəbər verir ki ki, telefon danışığı zamanı Putinin Özbəkistana qarşıdan gələn dövlət səfərinə hazırlığın gedişatı müzakirə edilib. Bu kontekstdə ikitərəfli əməkdaşlığın, o cümlədən ticarət-iqtisadi sahədə gələcək inkişafının bir sıra praktiki məsələlərinə toxunulub.
"Putin həmçinin Pekində Çin rəhbərliyi ilə aparılan danışıqlarla bağlı təəssüratlarını bölüşüb.
Hər iki tərəf Rusiya və Özbəkistan arasında müttəfiqlik və strateji tərəfdaşlıq münasibətlərini daha da ardıcıl şəkildə gücləndirmək istəyini təsdiqləyib", deyə Kremlin məlumatında qeyd olunub.
