“Rusiya ABŞ rəsmilərinin Ukrayna üzrə danışıqların bərpa olunması perspektivləri ilə bağlı ritorikasında tərəddüdlər görür”.
Teleqraf xəbər verir ki, bunu Rusiya xarici işlər nazirinin müavini Mixail Qaluzin deyib.
“ABŞ nümayəndələrinin Ukrayna üzrə danışıqların bərpası perspektivlərinə dair ritorikasında müşahidə olunan tərəddüdlər, böyük ölçüdə, ABŞ elitalarının bir hissəsinin Rusiya ilə qarşılıqlı faydalı ticari-iqtisadi əməkdaşlıq qurmaq istəyi ilə ölkəmizin qarşısının alınmasına yönəlmiş məqsəd arasındakı ziddiyyətlərlə bağlıdır”, - Qaluzin bildirib.
