Ötən sutka ərzində Rusiya qoşunları Ukraynaya 31 raket və 12 hava zərbəsi endirib, həmçinin MLRS-dən 70-dən çox hücum həyata keçirib.
APA xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
“Çerniqov, Sumı, Kiyev, Xmelnitski, Donetsk, Zaporojye, Nikolayev və Xerson vilayətlərinin mülki infrastrukturu zərər çəkib. Mülki əhali arasında itkilər barədə məlumatlar dəqiqləşdirilir”, - Baş Qərargah qeyd edir.
Bundan əlavə, Rusiya ordusu İrana məxsus 13 ədəd Şahed-136 zərbə PUA-nı işə salıb. Məlumata görə, onların hamısı Ukrayna Müdafiə Qüvvələri tərəfindən məhv edilib.
