İsrailin Baş naziri Benyamin Netanyahunun keçmiş mühafizə rəisi Ami Dror Sara Netanyahunun ailə daxilində böyük təsirə malik olduğunu iddia edib. Onun sözlərinə görə, Sara Netanyahu Baş nazirin qərarlarına müdaxilə edir və siyasi nüfuzunu artırmağa çalışır.
Sherg.az "milliyet.com.tr"-yə istinadən xəbər verir ki, Drorun ən səs-küylü iddiası isə Sara Netanyahunun otellərdə qaldığı zaman dəsmallar və müxtəlif əşyaları oğurlaması ilə bağlı olub. Keçmiş mühafizə rəisi bunu davamlı vərdiş adlandıraraq, “Görən kimi oğurlayır” deyə bildirib.
Netanyahu ailəsi bu iddialara hələlik rəsmi münasibət bildirməyib. Sara Netanyahu daha əvvəl də dövlət vəsaitindən sui-istifadə ittihamları ilə gündəmə gəlmiş, lakin bütün suçlamaları rədd etmişdi.
Aydın Baxış
