İran İslam İnqilabı Keşikçiləri Korpusunun (SEPAH) iki üzvü və onunla əlaqəli bir iraqlı Yəmən hökumət qüvvələri ilə “Ənsarallah” Hərəkatı arasındakı toqquşma zamanı öldürülüb.
Teleqraf xəbər verir ki, bu barədə “Al-Arabiya” Yəmən hökumətinə istinadla məlumat yayıb.
Məlumata görə, bu üç nəfər Yəməndə SEPAH-ın hərbi mütəxəssisləri kimi fəaliyyət göstərib. Yəmən mənbələri öldürülən şəxslərin kimliyi, eləcə də onların nə vaxt və harada öldürüldüyü barədə ətraflı məlumat verməyib.
“Al-Arabiya” həmçinin bildirib ki, “Ənsarallah”ın hərbi birləşmələrindən biri “Əl-Əlviyə əl-Fəth” briqadasının komandiri dron hücumu nəticəsində yaralanıb.
