Serbiya parlamentində deputatlar arasında dava düşüb.
Axar.az xəbər verir ki, bu barədə parlamentin saytında məlumat yayılıb.
“Deputatlar 50-yə yaxın bənddən ibarət gündəliyi qəbul edib. Gündəlik təsdiq edildikdən sonra müxalifətdə olan Yaşıl Sol Cəbhənin deputatı Radomir Lazoviç ayağa qalxaraq ölkə rəhbərliyinə həqarət edib. Ardınca onun partiya yoldaşları, təhlükəsizlik xidmətinin əməkdaşları və hakim koalisiya üzvləri arasında toqquşma olub. Dava zamanı müxalifət deputatları məşəl yandırıb və iclas zalı tüstü ilə dolub. Parlamentin spikeri Ana Brnabiçin üstünə su atıblar”, - məlumatda qeyd olunub.
***
Serbiya parlamentində baş verən qarşıdurmada üç deputat yaralanıb.
Bu barədə parlamentin spikeri Ana Brnabiç deyib.
A.Brnabiç qeyd edib ki, onlar Yasmina Karanats, həmçinin Yasmina Obradoviç və Sonya İliçdir.
Məlumata görə, yaralılardan birinin vəziyyəti ağırdır.
