İspaniya aeroportlarında ölkədə keçirilən ümumi tətil səbəbindən 289 aviareys ləğv edilib.
Teleqraf xəbər verir ki, noyabrın 11-də İspaniyada 24 saatlıq ümumi tətil başlayıb.
"Tətil keçirmək niyyəti barədə cari ilin oktyabr ayında ölkədə mənzil böhranı ilə əlaqədar müxtəlif etiraz aksiyalarının keçirildiyi bir fonda elan olunmuşdu. Tətil iştirakçıları səhər tezdən piketlər təşkil etməyə və bir sıra yollarda hərəkəti bağlamağa başlayıblar. Tələblər arasında əlçatan mənzil və layiqincə əməkhaqqı yer alır.
Həmkarlar ittifaqlarının məlumatına görə, bəzi hallarda mitinqlər zamanı polis aksiya iştirakçılara qarşı güc tətbiq edib. "El Pais" qəzetinin verdiyi məlumata görə, 40-a yaxın şəxs saxlanılıb", - məlumatda vurğulanıb.
