"Co Baydenin prezidentliyi dövründə dünya ABŞ-yə gülürdü"
Teleqraf xəbər verir ki, bunu ABŞ Prezidenti Donald Tramp Birləşmiş Millətlər Təşkilatının (BMT) Baş Assambleyasının sessiyasında çıxışı zamanı bildirib.
Onun sözlərinə görə, bu gün Birləşmiş Ştatlar “heç vaxt olmadığı qədər” yenidən hörmət qazanıb.
“Biz bütün dünya üçün bir məsxərə obyektinə çevrilmişdik”,-deyə Tramp fikrini ifadə edib.
Amerikalı lider bildirib ki, Baydenin dövründə “qanunsuzluq, zəiflik və radikalizm” ABŞ-ni zəiflədib.
Trampın fikrincə, bir il əvvəl ölkə ciddi problemlərlə üzləşirdi, lakin onun administrasiyası sayəsində indi ABŞ “dünyanın ən güclü ölkələrindən birinə” çevrilib və heç kim onunla müqayisə oluna bilməz.
