Türkiyədə yeni ildən maaş gəlirləri vergisi tariflərində endirim ediləcək.
APA-nın İstanbul müxbiri xəbər verir ki, bu barədə Türkiyə xəzinə və maliyyə naziri Nurəddin Nebati bildirib.
O qeyd edib ki, gəlir vergisi tarifinin birinci hissəsi 32 mindən 70 minə, ikincisi 70 mindən 150 minə, üçüncü hissə 250 mindən 550 minə, dördüncü isə 880 min Türk lirəsindən 1 milyon 900 min lirəyə qədər artırılacaq.
Nazir, həmçinin, əlavə edib ki, 2023- cü il yanvar ayından minimum əməkhaqqına ediləcək 54,5 faiz artım da gəlir vergisi və möhür rüsumundan azad olunur.
