Türkiyədə yeni növ koronavirus (COVID-19) infeksiyasına gündəlik yoluxma, ölüm və ağır xəstə sayı təhlükəli dinamika ilə davam etməkdədir.
AZƏRTAC Səhiyyə Nazirliyinə istinadla xəbər verir ki, son sutkada ölkə üzə COVID-19 infeksiyasına qarşı 240 min 145 test aparılıb. Onlardan 25 min 980 nəfərdə virusun əlamətləri aşkarlanıb, 2 min 587 nəfər xəstəxanalara cəlb olunub. Gün ərzində 340 xəstə dünyasını dəyişib, 75 min 182 nəfər sağalıb.
Türkiyədə yeni növ koronovirus aşkaralanandan indiyədək 4 milyon 875 min 388 nəfərdə infeksiya aşkarlanıb, 40 min 844 nəfər dünyasını dəyişib.
Hazırda 3 min 532 xəstə bu virusdan reanimasiyadadır.
Qeyd edək ki, Türkiyədə COVID-19 infeksiyasına qarşı mübarizə tədbirləri çərçivəsində aprelin 29-da yerli vaxtla saat 19:00-da qüvvəyə minən növbəti “Evdə qal!” rejimi tam qapanma şəraitində 17 gün fasiləsiz davam edərək mayın 17-də saat 05:00-da başa çatacaq. Ölkə üzrə 2 milyon 52 min 86 nəfərə “Evdə qal!” rejimi dövründə işləmək icazəsi verilib. Hazırda bütün ölkədə ictimai sakitlikdir.
