Azərbaycan, Türkiyə və İran XİN başçılarının görüşü keçiriləcək

Türkiyənin xarici işlər naziri Mövlud Çavuşoğlu ilə İranın xarici işlər naziri Hüseyn Əmirabdullahian arasında görüş keçirilib.
Görüş Nyu-Yorkda baş tutan BMT Baş Assambleyası çərçivəsində baş tutub.
Görüşdə tərəflər Tehranda İran, Azərbaycan və Türkiyə xarici işlər nazirlərinin toplantısının keçirilməsinə dair razılıq əldə ediblər.

Öz növbəsində Türkiyə xarici işlər naziri, İrana qarşı tətbiq edilən bütün sanksiyaların ləğv edilməli olduğunu söyləyib.

Mövlud Çavuşoğlu həmçinin iranlı həmkarı ilə Əfqanıstanda baş verən son hadisələr ətrafında fikir mübadiləsi aparıb.

Tərəflər Əfqanıstandakı böhranlı vəziyyətlə əlaqədar davamlı məsləhətləşmələr aparmağa dair razılıq əldə edib.

Mənbə: Press TV