Bir zamanlar elm dünyasının kəşf etdiyi qorilla cinsindən nəhəng meymun yenidən üzə çıxıb. Uzun illərdir ki, elm dünyası nəhəng meymunların nəslinin kəsildiyini zənn edirdi. İllər əvvəl görüntüləri yayılmış nəhəng qorilla meymununun boyu 3 metrə yaxın və digər iriçəkili, irigövdəli meymunlardan 2 dəfə böyük ölçüdə olub. Ona “həqiqi King Kong” adı verilib. Lakin bir müddət sonra qorilla gözdən itib. Onun görünməməsi poliontologiya elmində sirr kimi qəbul edilib, alimlər bunun səbəbini araşdırmağa çalışıb.
“Sherg.az” “NTV.com.tr”yə istinadən bildirir ki, alman-holland poleontoloq G.H.R. von Koeniqsvald, ötən əsrdə Honq-Konqdda səfərdə olarkən apteklərdən birində tibbi "əjdaha sümüyü” kimi satılan dişləri gördükdə bunun nəhəng meymuna məxsus olduğunu müəyyənləşdirib. Bu, nəhəng meymunların varlığı barədə ilk ehtimal kimi ortaya atılıb. Bundan sonra Çinin cənubundakı mağaralarda nəsli tükənmiş meymunlara aid skeletlərdən 2 min diş və 4 çənə sümüyü tapılıb. Bu nadir tapıntılar nəhəng meymunlarla bağlı yeni araşdırmalara təkan verib, onların yoxolma səbəblərinə işıq salıb. Tədqiqatçılar həqiqi nəhəng meymunların 295 – 215 min il öncə yaşadığını və iqlim dəyişikliyi nəticəsində onlar üçün əsas yem bazasının təşkil edən bitki örtüyünün dəyişməsi səbəbindən tələf olduqları mülahizəsini irəli sürür. Meymunlar dəyişən bitki örtüyünə uyğunlaşa bilməyiblər və nəsilləri kəsilib. Meymunlar o vaxtadək zəngin meşələrdə yetişən meyvələrlə qidalanıb. Meşələrin quruluşu dəyişdikcə, meyvələr də dəyişib və Kinq-Konqlar getdikcə acından ölüblər. Sümükləşmiş meymun dişlərində ağac qabıqlarının, nazik budaqların liflərinin buraxdığı izlər bunu söyləməyə əsas verir ki, onlar daha az meyvə yeyib, ac qalmamaq üçün ağac qabıqları, kövrək budaqlarla qidalanıblar. Bu isə onların sonunu yaxınlaşdırıb. Meymunların bu vəziyyətlə bağlı hətta xroniki stress keçirdiyi də iddia edilir. Bu nəhəng meymunların üst dişləri adi qorilla meymununkundan 57.8 dəfə, alt dişləri isə 33 dəfə böyükdür. Bu da onların bədən çəkisinin 200-300 kiloqram olduğunu göstərir. Bu dərəcədə nəhəng canlı sözsüz ki, yerdə yaşayıb, yumruqları üzərində hərəkət edib. Onların ən yaxın “qohumu” “Bornean oranqutanı”dır. Böyük ehtimalla nəhəng qorilla cinsinə mənsub meymun hazırda Çinin meşəlik ərazilərində yaşaya bilər. İnsanların nə zamansa “Kinq-Konq”la rastlaşacaqları da mümkündür.
