Rusiya Prezidenti Vladimir Putinin Ulan-Batora səfəri fonunda ABŞ Monqolustanın düşdüyü vəziyyəti anlayır və buna dəstəyini bildirir.
Axar.az xəbər verir ki, bunu ABŞ Dövlət Departamentinin mətbuat xidmətinin rəhbəri Metyu Miller deyib.
“Monqolustanın çətin vəziyyətdə olduğunu başa düşürük. Biz Monqolustanı dəstəkləməyə davam edəcəyik, lakin onun beynəlxalq öhdəliklərini yerinə yetirməsinin vacib olduğuna inanırıq”, - o bildirib.
Qeyd edək ki, Rusiya Prezidenti Vladimir Putin sentyabrın 2-3 tarixlərində Monqolustanda rəsmi səfərdə olub.
