Fələstinin HƏMAS hərəkatı ABŞ-ın Qəzza zolağında atəşkəslə bağlı təklifini faktiki olaraq rədd edib, İsrail tərəfi isə plana razıdır.
Axar.az xəbər verir ki, bu barədə İsrailin baş naziri Benyamin Netanyahunun ofisi məlumat yayıb.
"İsrail Uitkoffun girovlarımızı azad etmək üçün yenilənmiş planını qəbul etdi, lakin HƏMAS inkarını davam etdirir. ABŞ-ın Yaxın Şərq üzrə xüsusi elçisi Steven Uitkoffun qeyd etdiyi kimi, HƏMAS-ın cavabı qəbuledilməzdir və prosesi geri qaytarır", - ofisin bəyanatında bildirilib.
Qeyd edək ki, ötən gün HƏMAS 10 girovu azad etməyə və 18 cəsədi təhvil verməyə razılaşıb.
