Hazırda Dəməşqin cənubunda hərbsizləşdirilmiş zonanın yaradılması məsələsi müzakirə olunur.
Axar.az xəbər verir ki, bu barədə İsrail Baş naziri Benyamin Netanyahu İsrail druz icmasının ruhani lideri Şeyx Müafak Tarif ilə görüşündə bildirib.
"Hazırda diqqətimizi üç şey üzərində cəmləyirik: Əs-Suveyda əyalətində druz icmasını qorumaq, Dəməşqin cənubundan Qolan təpələrinə, o cümlədən Əs-Suveyda əyalətinə qədər hərbsizləşdirilmiş zona yaratmaq və ərzaq, tikinti materialları, eləcə də geniş miqyaslı tibbi yardımın çatdırılmasına imkan verəcək humanitar dəhliz yaratmaq...”, - deyə o bildirib.
