“ABŞ sülh müqabilində Ukraynanı öz ərazilərini Rusiyaya verməyə məcbur etmir. Vaşinqtondan heç bir təzyiq yoxdur”.
Teleqraf xəbər verir ki, bu barədə jurnalistlər üçün brifinqdə Ukrayna Prezident Aparatının rəhbəri Andrey Yermak bildirib.
Yermak ABŞ-nin Yaxın Şərq üzrə xüsusi nümayəndəsi Stiv Uitkoff ilə Nyu-Yorkdakı görüşündən razı qalıb.
Aparat rəhbəri xatırladıb ki, o və digər Ukrayna rəsmiləri son günlər Qətər, Səudiyyə Ərəbistanı, İsveçrə və Türkiyəyə səfər ediblər: “Bütün ölkələr Ukrayna və Rusiya arasında liderlər səviyyəsində danışıqlara ev sahibliyi etməyə hazırdır. Yalnız Rusiya belə dialoqa hazır deyil”.
Yermak bildirib ki, Uitkoff ilə ayrı-ayrılıqda bütün mühüm məsələləri müzakirə ediblər: “Liderlər səviyyəsində görüş üçün heç bir tarix görünməsə, Donald Tramp administrasiyası Rusiyaya qarşı sanksiyalar məsələsinə qayıdacaq”.
