Hollandiya və İspaniya aşırı sağçı İsrail nazirləri Itamar Ben-Gvir və Bezalel Smotrichin Şengen bölgəsindəki 29 ölkəyə girişini qadağan edib.
Sherg.az xəbər verir ki, Avropa Komissiyası İsrailə qarşı sanksiyalar tətbiq etməyi və ticarəti dayandırmağı nəzərdən keçirir. Komissiya sədri Ursula Von der Leyen bildirib ki, bu addım İsrailin Qəzzadakı hərəkətlərinə və insan haqları pozuntularına reaksiyadır. İsrail Xarici İşlər naziri Gideon Saar bunu “uğursuz” açıqlama adlandırıb və Qəzza əzablarının səbəbini Hamasda gördüyünü iddia edib.
Avropa Birliyi İsrailin ən böyük ticarət tərəfdaşıdır. Keçən il iki tərəf arasındakı mal dövriyyəsi 42,6 milyard avro olub. Ticarət müqaviləsinin dayandırılması İsrail məhsullarına verilən üstünlüklərin geri çəkilməsinə səbəb olacaq.
