Fazil Mustafa deyib ki, Naxçıvana bilet probleminə təcili əncam çəkilməlidir
"Yenə bir aydan artıqdır ki, Naxçıvana bileti böyük bir problemə çeviriblər".
Bunu millət vəkili Fazil Mustafa deyib. Deputat bəyan edib ki, İran yolu bağlayıb, Naxçıvana bircə təyyarə yolu qalıb:
"Tələbat varsa artırın təyyarələrin sayını. Bir neçə il öncə bileti 60 manata qaldırdılar, onsuz da bu qiymətə kefindən kimsə Naxçıvana getmir. Adamın ölüsü var, dirisi var, xəstəsi var, doğma yurd həsrəti var. Nədir bu bilet kassasının qarşısındakı zəhlətökən növbələr? 21-ci əsrdə bilet üçün bu qədər növbə olar? Qadını, yaşlısı, uşağı bilirsiniz nə çilə çəkir? Elektron bilet satışını deyirdiniz, hanı o biletlər? Kim məsuliyyət daşıyır buna? Təcili əncam çəkilməlidir".
