Gürcüstanla sərhədin şəxsiyyət vəsiqəsi ilə qarşılıqlı keçidi barədə saziş layihəsi Ermənistan parlamentinin komissiyası tərəfindən təsdiqlənib.
APA “Sputnik Armenia”ya istinadən xəbər verir ki, bunu ölkənin hakim “Vətəndaş müqaviləsi” partiyasından olan deputat Qurgen Arsenyan bildirib.
Arsenyanın sözlərinə görə, ölkəsi qonşu dövlətlərlə əlverişli, dinc birgə yaşayış sxemi qurmalıdır, bu nöqteyi-nəzərdən Gürcüstanla münasibətlər ən yaxşı pilot layihəyə çevrilə bilər və Ermənistan rəhbərliyi digər qonşularla belə bir rejimə can atmalıdır.
Qeyd olunub ki, Gürcüstan parlamenti artıq saziş layihəsini qəbul edib və ölkə prezidenti tərəfindən imzalandıqdan sonra layihə qüvvəyə minəcək.
