Özbəkistan Prezidenti Şavkat Mirziyoyev Azərbaycana səfər edəcək.
"Report" xəbər verir ki, bu barədə Bakıda səfərdə olan Özbəkistanın xarici işlər naziri Baxtiyor Saidov iyulun 5-də Azərbaycan Prezidenti İlham Əliyevin qəbulunda olarkən bildirilib.
Prezident İlham Əliyev öz növbəsində Özbəkistana dövlət səfərini məmnunluqla xatırlayıb. Dövlət başçısı işğaldan azad olunmuş ərazilərdə Özbəkistan tərəfindən məktəb tikintisi layihəsinin xüsusi önəm daşıdığını bildirib, Prezident Şavkat Mirziyoyevin tezliklə Azərbaycana səfərinin gözlənildiyini qeyd edib.
