Rusiya prezidenti Vladimir Putin Taxıl sazişi ilə bağlı “Taxılın qiyməti artdıqca Rusiya şirkətləri daha çox qazanc əldə edəcəklər” deyib.
Türkiyə üçün qaz mərkəzi layihəsinin hələ də gündəmdə olduğunu bildirən Putin çərşənbə günü prezident Rəcəb Tayyib Ərdoğanla telefonla danışacağını bildirib.
Sherg.az xarici mediaya istinadən xəbər verir ki, Rusiya prezidenti Vladimir Putin Afrika Sammitindən sonra kameralar qarşısına keçib.
Müharibə mövzusuna toxunan Putin bildirib ki, Ukrayna ordusu hücuma məruz qaldığı bir vaxtda atəşkəsi həyata keçirmək çətindir. Putin Ukrayna ilə danışıqları rədd etmədiklərini və Afrikanın Ukrayna ilə bağlı sülh təşəbbüslərinin atəşkəs üçün əsas ola biləcəyini vurğulayıb.
Putin əlavə edib ki, Ukrayna iyunun 4-dən bu yana 415 tank və 1300 zirehli texnika itirib.
Prezident bildirib ki, Rusiya şirkətləri Qara dəniz Taxıl Müqaviləsindən çıxmaları sayəsində taxılın qiyməti artdıqca daha çox qazanc əldə edəcəklər.
Çıxışına davam edən Putin, “Taxılımızın pulsuz çatdırılmasından əldə edəcəyimiz qazancı ən kasıb ölkələrlə bölüşəcəyik” deyib.
Türkiyə ilə qaz mərkəzi layihəsinin hələ də gündəmdə olduğunu bildirən Putin əlavə edib: "Türkiyədə qaz satışı üçün elektron platforma qurmaq istəyirik, orada qaz depolamaq istəmirik" .
ƏRDOĞAN-PUTİN GÖRÜŞÜŞÜ
Çərşənbə günü prezident Rəcəb Tayyib Ərdoğanla telefon danışığı aparacağını qeyd edən Putin, Ərdoğanla təkbətək görüşün Rusiyada, yoxsa Türkiyədə keçiriləcəyinə hələ qərar verilmədiyini bildirib.
Turan
