Rusiyanın Almaniyadakı səfiri Sergey Neçayev bildirib ki, Almaniya yaxın bir neçə il ərzində Rusiya ilə mümkün hərbi qarşıdurmaya hazırlaşmaq kursu götürüb və bunu gizlətmir.
Sherg.az xəbər verir ki, Sergey Neçayevin sözlərinə görə, Berlin hazırda Ukraynanı pilotsuz uçuş aparatları, onların komponentləri və digər silah vasitələri ilə təmin etməyə üstünlük verir, eyni zamanda münaqişə tərəfinə çevrildiyi iddialarını rədd edir.
Neçayev qeyd edib ki, Almaniya cəmiyyətində bu ssenariyə dəstək geniş deyil, lakin rəsmi dairələr, hərbi strukturlar və media tərəfindən aparılan militarist təbliğat bu narazılığı kölgədə qoyur.
Rusiya tərəfi hesab edir ki, Qərbin Ukraynaya silah tədarükü münaqişənin həllinə mane olur və NATO ölkələrini birbaşa qarşıdurmaya cəlb edir. Moskva bu cür addımların danışıqlar prosesinə mənfi təsir göstərdiyini vurğulayır.
