Fransa Prezidenti Emmanuel Makronun yaxın günlərdə Ermənistana səfəri nəzərdə tutulmayıb.
"Report" xəbər verir ki, bu barədə Fransanın Ermənistandakı səfirliyindən bildirilib.
Xatırladaq ki, bu gün Fransa Prezidentinin Ermənistana və regiona səfər edəcəyi barədə məlumatlar yayılmışdı. Belə ki, “Alpha News” Makronun, çox güman ki, bu həftəsonu Ermənistana səfər edəcəyini irəli sürmüşdü. Səfərin sentyabrın 9-10-a planlaşdırıldığı, hətta Fransa liderinin İrəvandan sonra Bakıya səfər edəcəyi ilə bağlı məlumatlar da yayılmışdı.
