Kiyevə çatdırılan və veriləcək silah və texnikaların xüsusi əməliyyatın gedişinə ciddi təsir göstərməyəcəyi artıq aydındır.
APA-nın Moskva müxbiri xəbər verir ki, bunu Rusiya müdafiə naziri Sergey Şoyqu Təhlükəsizlik Şurasının daim üzvlərinin müşavirəsində prezident Vladimir Putinə məruzəsində bildirib.
Şoyqu Rusiyada orta hesabla gündə 1336 nəfərin Müdafiə Nazirliyi ilə müqavilə bağladığını, yəni hər gün bir alayın formalaşdığını qeyd edib.
Rusiya MN başçısı Ukraynadakı xüsusi əməliyyatlar üçün yeni könüllülərə ehtiyac görmədiklərini də söyləyib.
O vurğulayıb ki, Rusiya Silahlı Qüvvələrinin ehtiyat ordularının formalaşdırılması iyunun sonunda başa çatacaq.
