ABŞ-də Rusiyaya qarşı sanksiyaların sərtləşdirilməsini nəzərdə tutan qanun layihəsi ətrafında müzakirələr davam edir. "The Washington Post" qəzetinin köşə yazarı Maks But sənədin qəbulunun ABŞ və onun müttəfiqləri üçün ciddi nəticələr doğura biləcəyini bildirib.
Sherg.az xəbər verir ki, müəllif Donald Trampa bu səlahiyyətlərin verilməsini "piromana kibrit verməyə bənzətmək olar" ifadəsi ilə qiymətləndirib.
Maks Butun fikrincə, qanun layihəsi digər ölkələrə qarşı maliyyə təzyiqinin genişlənməsinə və ABŞ prezidentinin səlahiyyətlərinin daha da artmasına səbəb ola bilər. O bildirib ki, bu addımlar xüsusilə Hindistan və Çin kimi ölkələrə ciddi təsir göstərə bilər.
Qeyd edək ki, "Politico" nəşrinin məlumatına görə, Donald Tramp qanun layihəsinə dəyişiklik etməyi planlaşdırır. Sənədin yaxın vaxtlarda ABŞ Senatının müzakirəsinə çıxarılması gözlənilir.
