Tərtər rayonunda baş verən insidentin təfərrüatı üzə çıxıb.
Oxu.Az-ın əldə etdiyi məlumatlara əsasən, Şahvələdov Qara Varad oğlu münaqişə zamanı gəlini Şahvələdova Əfsanə Fəxrəddin qızını “Niva” markalı avtomobili ilə vurub. Nəticədə, qadın yüngül xəsarət alıb. Hazırda hər iki şəxs polis idarəsində dindirilir.
İlkin məlumata görə, münaqişə mülk üstündə olub.
Qeyd edək ki, bu gün Tərtər rayonunda qayınata əsəbləşərək avtomobillə gəlininin üstündən keçib. Report xəbər verir ki, hadisə rayonun Şıxarx qəsəbəsində məcburi köçkünlərin məskunlaşdığı yaşayış massivində baş verib.
Baş verən hadisə ilə bağlı hüquq mühafizə orqanlarının əməkdaşları araşdırmalara başlayıblar.
