Sabunçu rayonunda bıçaqlanma hadisəsi qeydə alınıb.
APA xəbər verir ki, Ramana qəsəbəsi, V.Vəliyev küçəsində qonşular arasında yaranan mübahisə bıçaqlanma ilə bitib.
Belə ki, Mikayıl adlı şəxs qonşusu, 1947-ci il təvəllüdlü Babayev Teymur Tahir oğluna bıçaqla bir neçə zərbə vuraraq xəsarət yetirib.
Yaralı ağır vəziyyətdə xəstəxanaya yerləşdirilib. Ona sağ qolun və qarının ön divarının kəsilmiş-deşilmiş yarası diaqnozu qoyulub.
Faktla bağlı Sabunçu Rayon Polis İdarəsində araşdırma aparılır.
