Bərdədə yol nəqliyyat hadisəsi baş verib. Oxu.Az-ın bölgə müxbirinin verdiyi məlumata görə, hadisə rayonun Koroğlu küçəsində qeydə alınıb.
“Mercedes” markalı avtomobillə “Honda” markalı maşın toqquşub.
Nəticədə üç nəfər, Kəlbəcər rayon məcburi köçkünləri - 1963 -cü il təvəllüdlü Tağıyeva Gülzar Savalan qızı, 1999-cu il təvəllüdlü Tağızadə Vüsal Zahid oğlu, 1990-cı il təvəllüdlü Tağıyev Elnur Məhəmməd oğlu müxtəlif dərəcəli bədən xəsarətləri alıb.
Yaralılar təcili tibbi yardım maşını ilə rayon mərkəzi xəstəxanasına yerləşdirilib.
Faktla bağlı araşdırma aparılır.
