Azərbaycan Qida Təhlükəsizliyi Agentliyi Nizami rayonu NZS qəsəbəsində iki tələbənin zəhərlənməsi barədə məlumat yayıb.
AQTA-dan Oxu.Az-a bildirilib ki, iki nəfərin qidadan zəhərlənməsi ehtimalı barədə məlumat agentliyə daxil olduqdan dərhal sonra Agentlik əməkdaşları tərəfindən araşdırmalara başlanılıb:
“İlkin məlumatda tələbələrin ev şəraitində hazırlanmış turşulardan istifadə etdiyi bildirilir. Hazırda müvafiq qurumlarla birgə hadisənin baş vermə səbəbləri, qida zəhərlənməsi olub-olmaması istiqamətində araşdırma aparılır”.
AQTA-dan qeyd edilib ki, araşdırmaların yekun nəticəsi ilə bağlı məlumat veriləcək.
10:16
Nizami rayonu NZS qəsəbəsində zəhərlənən tələbələr evə buraxılıb.
3 saylı şəhər xəstəxanasından Oxu.Az-a verilən məlumata görə, axşam saatlarında xəstəxanaya çatdırılan tələbələr – 1998-ci il təvəllüdlü Tağıyev Niyaməddin Qəhrəman oğlu və 1999-cu il təvəllüdlü Həsənov Elşad Sadiq oğlu ilkin tibbi yardımdan sonra evə buraxılıb.
Onlar kirayələdikləri evdə turşu yediklərini bildiriblər.
09:12
Nizami rayonu NZS qəsəbəsində iki nəfər qidadan zəhərlənib.
Bu barədə Səhiyyə Nazirliyi məlumat yayıb.
Bildirilib ki, ünvana gələn həkimlər oradan zəhərlənmə ehtimalı ilə 21 və 22 yaşlı tələbə oğlanları götürüblər.
3 saylı şəhər xəstəxanasına çatdırılan tələbələr kirayələdikləri evdə turşu yediklərini bildiriblər.
Onlara lazımi tibbi yardım göstərilib. Müalicələri davam etdirilir.
