Ümumdünya Səhiyyə Təşkilatının (ÜST) avqustun 26-da dərc etdiyi meymunçiçəyi ilə mübarizə planı (mpox) altı ay ərzində 135 milyon dollar maliyyələşdirmə tələb edir.
"Report" xəbər verir ki, bu barədə ÜST-nin baş qərargahı məlumat yayıb.
Plan 2024-cü ilin sentyabrından 2025-ci ilin fevralına qədər olan altı aylıq dövrü əhatə edir.
Planın həyata keçirilməsi üçün vəsaitin ayrılması ilə bağlı beynəlxalq ictimaiyyətə müraciət yaxın vaxtlarda təqdim olunacaq.
Sənəd hərtərəfli nəzarət, profilaktika, hazırlıq və cavab strategiyalarının həyata keçirilməsinə, diaqnostik testlər və vaksinlər kimi əks tədbirlərə ədalətli çıxışın təmin edilməsinə yönəlib. Peyvənd riskli kateqoriyaya, o cümlədən yaxın təmasda olanlara və səhiyyə işçilərinə yönəldiləcək.
