Kürdəmirdə avtomobilin kanala aşması nəticəsində iki nəfər ölüb.
APA xəbər verir ki, “Mitsubishi” markalı 90 NY 966 dövlət nömrə nişanlı avtomobildə olan Kürdəmir rayon sakinləri 1967-ci il təvəllüdlü Hacıyev Elşən Hacıbaba və 1977-ci il təvəllüdlü Əhmədov Cabir Yolçu oğlu vəfat edib.
***
20:06
Kürdəmirdə ölümlə nəticələnən yol-nəqliyyat hadisəsi baş verib.
APA-nın yerli bürosunun xəbərinə görə, Bakı-Qazax əsas magistral yolunun rayonun Şilyan kəndindən keçən hissəsində avtomobil kanala aşıb.
Ölənlərin olduğu bildirilir.
Hazırda aidiyyəti qurumlar hadisə yerindədirlər.
