HƏMAS İsrailin 600 fələstinli məhbusu təhvil verdiyini təsdiqləyib.
Axar.az xəbər verir ki, bu barədə HƏMAS Teleqram kanalında müvafiq bəyanat yayıb.
“Xalqımız İsrail işğalçılarının azad etməkdə tərəddüd etdiyi 600 qəhrəmanı qarşılayır. İşğalçıların Qəzzada atəşkəs razılaşmasından yayınmasının qarşısını almaq üçün düşmən girovlarının cəsədlərinin təhvil verilməsi prosesini qəhrəman əsirlərimizin azad edilməsi ilə sinxronlaşdırdıq”, - bəyanatda qeyd olunub.
HƏMAS bir daha sənədə sadiqliyini və onun bütün şərtlərinə əməl etmək niyyətini təkrarlayıb:
“Sazişin ikinci mərhələsi ilə bağlı danışıqlara getməyə hazır olduğumuzu təsdiqləyir və bir daha bildiririk ki, Qəzzada bütün girovları azad etməyin yeganə yolu danışıqlar aparmaq və razılaşdırılanlara əməl etməkdir”.
