16 yaşlı qatil və atası ilə bağlı dəhşətli detallar üzə çıxdı
Samsunda bacısını evlənmək məqsədilə qaçıran əmisi oğlunu tapança ilə vuraraq öldürən 16 yaşlı yeniyetmə və hadisəni törətməyə təhrik etdiyi iddia olunan atası məhkəməyə göndərilib. Sherg.az xəbər verir ki, qan donduran hadisənin təfərrüatları üzə çıxıb.
Hadisə Samsunun İlkadım rayonunun 19 May məhəlləsində, Talimhane küçəsində yerləşən ikinci əl mebel mağazasında baş verib. İddialara görə, 16 yaşlı M.T., bacısını evlənmək üçün qaçıran əmisi oğlu Okan Doğan Torun (24) ilə danışmaq üçün görüşüb. Görüş zamanı M.T., Okan Doğan Torunu sinəsindən tapança ilə vuraraq ağır yaralayıb.
Okan Doğan Torun yaralı vəziyyətdə qaçaraq bir kitab mağazasına sığınıb. Bu zaman əlində tapança ilə Torunun arxasınca küçə boyu qaçan M.T., yenidən atəş açıb. Güllələrdən biri hadisə yerində oturan D.A.-nın belinə dəyərək onun yaralanmasına səbəb olub. Hadisə yerinə gələn təcili tibbi yardım qrupları yaralıları təcili olaraq Samsun Təhsil və Araşdırma xəstəxanası ilə Qazi Dövlət xəstəxanasına çatdırıblar. Okan Doğan Torun həkimlərin bütün müdaxilələrinə baxmayaraq həyatını itirib.
Hadisədən qısa müddət sonra Təhlükəsizlik Qrupları tərəfindən yaxalanan M.T., Samsun Təhlükəsizlik Müdirliyinin Uşaq Şöbəsi əməkdaşlarına təhvil verilib. İddialara görə, hadisə zamanı qızını qaçıran qohumu Okan Doğan Torunun qollarını tutan ata H.İ.T., “Vur la vur!” deyərək oğluna silahla atəş açmağa təhrik edib.
Hadisəyə təhrik etdiyi iddia edilən M.T.-nin atası, 48 yaşlı H.İ.T., Cinayətlərlə Mübarizə Bürosunun əməkdaşları tərəfindən saxlanılıb. Polis bölməsindəki ifadələri tamamlanan M.T. və atası H.İ.T. Samsun Məhkəməsinə göndərilib.
