“Mayın 26-da Rusiya Prezidenti Vladimir Putinlə görüşdə Ukrayna münaqişəsi kontekstində Türkiyə Prezidenti Rəcəb Tayyib Ərdoğanı narahat edən bir sıra məsələləri və münaqişənin uğurla yekunlaşmasının vacibliyini müzakirə etmişəm”.
Teleqraf xəbər verir ki, bunu Moskvada rusiyalı həmkarı Sergey Lavrovla keçirdiyi mətbuat konfransında Türkiyə xarici işlər naziri deyib.
“Cənab Putinlə dünənki görüşümüzdə prezidentimiz üçün həssas olan mühüm məsələləri qaldırdıq. Rusiya ilə Ukrayna arasında davam edən danışıqların nəticə verməsi xüsusilə vacibdir. İstanbulda aparılan danışıqları müzakirə etdik. Növbəti görüşlərin Türkiyədə keçirilməsi ilə bağlı xahişimizi Rusiya tərəfinə çatdırdıq”, - Fidan bildirib.
O əlavə edib ki, Rusiya rəhbərliyi ilə təmaslar zamanı Ankaranın bu istiqamətdə hər cür töhfə verməyə hazır olduğunu açıq şəkildə bəyan edib.
Hakan Fidan Türkiyənin növbəti Rusiya-Ukrayna danışıqlarına ev sahibliyi etməyə hazır olduğunu da vurğulayıb.
