Çinin Tayvana hərbi hücumu "qaçılmaz ola bilər".
Teleqraf xəbər verir ki, bunu Pentaqonun rəhbəri Pit Heqset deyib.
O, Sinqapurda keçirilən müdafiə forumunda deyib: "Si Cinpin öz ordusuna 2027-ci ilə qədər Tayvanı işğal etməyə hazır olmağı əmr edib. Çin ordusu bunun üçün lazım olan qüvvələri toplayır, hər gün buna hazırlaşır və məşq edir".
Bununla əlaqədar, Heqset Amerikanın Hind-Sakit okean regionundakı müttəfiqlərini “Pekinin qarşısını almaq üçün” müdafiə xərclərini artırmağa çağırıb.
Ətraflı
Ad - 00:16
Nazir deyib: "Bunu ört-basdır etmək üçün heç bir səbəb yoxdur. Çinin yaratdığı təhlükə realdır və bu, qaçılmaz ola bilər. Ümid edirik ki, olmayacaq, amma bu, əlbəttə ki, ola bilər".
O, həmçinin Hind-Sakit okean regionunu ABŞ üçün “hərbi əməliyyatların prioritet teatrı” adlandırıb.
Əvvəlki illərdən fərqli olaraq, Çin öz müdafiə nazirini foruma göndərməyib. Bununla belə, Pekin artıq Heqsetə cavab verib və onu “təxribat törətmək, qarşıdurma yaratmaq və regionu qızışdırmaq” cəhdində ittiham edib.
