Kanadanın Monreal yaxınlığındakı Airbus zavodunda qeyri-adi hadisə baş verib.
Publika.az xəbər verir ki, bu barədə PYOK məlumat yayıb.
Bildirilib ki, 6 yenot zavoda daxil olaraq təyyarələrdən birinə ziyan vurub.
İşçilər əvvəlcə dişi yenotun təyyarənin eniş şassisinə qalxdığını görüblər. Əraziyə baxış keçirildikdən sonra daha 5 bala aşkar edilib.
Heyvanlar zavoddan kənara çıxarılsa da, onların "ziyarəti" diqqətdən yayınmayıb. Yoxlama göstərib ki, yenotlar təyyarələrdən birində naqilləri çeynəyiblər və həmçinin salonda silinməz izlər qoyublar. Bu, istehsalın müvəqqəti dayanmasına səbəb oldu.
Oxşar hadisələr əvvəllər də aviaşirkətlər üçün problemlər yaradıb. Məsələn, Rusiya təyyarəsi eniş zamanı vəhşi heyvanın uçuş-enmə zolağında olması səbəbindən ikinci cəhdə enməyə məcbur olub.
